فيديو كوميدى .....عمرو اديب :" الزمالك يتفاوض مع الاعبين والاهلى يتعاقد معهم"

سخر الإعلامي عمرو أديب من الطريقة التي يتبعها مجلس إدارة نادي الزمالك في إدارته للصفقات، مؤكداً أن النادي الأبيض بالتفاوض مع اللاعبين، فيما يتمكن الأهلي من إنهاء التعاقد معهم.

وأشار أديب خلال برنامج "القاهرة اليوم" إلى أن ما حدث في قضية اللاعب الدولي محمد ناجي "جدو"، يثبت صحة تصريحاته، مؤكداً أن الزمالك ظل يتفاوض مع اللاعب لأشهر، فيما أنهى الأهلي التعاقد معه في أيام، وظهر مرتدياً القميص الأحمر في النهاية.

وتمنى أديب المعروف بانتماءاته البيضاء أن يحدث العكس ولو لمرة واحدة بأن يدخل الأهلي في مفاوضات مع أي لاعب، ثم ينتقل في النهاية إلى صفوف القلعة البيضاء.

تقرير : لماذا تكره الزوجات كأس العالم وهو اهم الاحداث بالنسبة لهم؟

رغم أن النساء بدأن في الإهتمام بشكل نسبي بكرة القدم، إلا أن الأغلبية الكاسحة مازالت تكره هذه اللعبة، ويتضاعف كره السيدات –خصوصاً الزوجات- لها مع بداية كأس العالم بسبب إلتفاف كل الرجال –حتى من لا يتابعون الدوريات الأوروبية- حول الشاشات لمشاهدة التظاهرة الكروية الأكبر في العالم.- تكاد الزوجات تجن عندما ترى اللون الأخضر يسيطر على التلفاز لحوالي ثماني ساعات ما بين المباريات والتحليلات رغم أنهن مستعدات لمشاهدة ثماني ساعات من المسلسلات.- تسخر الزوجات من فكرة إهتمام الرجال بقطعة جلد مركولة وخروجهم في غاية الفرحة أو الحزن بعد إنتهاء المباراة رغم أنهن يستهلكن مخزونهن من الدموع في الأفلام الرومانسية.- تغضب السيدات لحجز الرجال التلفاز طوال الوقت في المباريات معللين ذلك برغبتهن في مشاهدة "ميرنا وخليل" رغم أن 30 حلقة من 1943 حلقة لن تمثل الشيء الكثير.- تكره النساء كأس العالم بسبب تواجد العديد من الرجال في بيتها (أصدقاء الزوج أو الإبن أو الأب) واضطرارها لتنظيف أعقاب السجائر وبقايا المشروبات والمأكولات المتناثرة في كل مكان.- تتساءل السيدات عن فكرة نصائح الأزواج للاعبين للتوجه للأمام أو الخلف أو التسديد رغم أنهم لن يسمعوهم، وتتناسين أنهن يقضين الساعات في مشاهدة أحدث الملابس الغريبة وعلى الموضة وهن يدركن جيداً أنهن لن يقمن بإرتداء مثل هذه الأشياء طوال حياتهم..!

لكنني أوجه عناية السيدات والزوجات إلى أشياء هامة جداً قد يحبون كأس العالم بعده أكثر من الرجال أنفسهم:- كأس العالم فرصة للزوجة لكي تطلب أي طلب من زوجها لأنه لن يكون على استعداد للدخول في نقاش حتى لا تضيع المباراة عليه وبالتالي يقبل بأي طلب حتى لو كان جلب خادمة لتنظف بعد المباراة..! بجانب أنها قد تطلب أن يوقع الزوج على نقل ملكية كل شيء باسمها ولن ينتبه أيضاً بسبب تركيزه الكامل في متابعة المباراة.- كل طلبات الرجل طوال كأس العالم لن تزيد عن تواجد الريموت كونترول -جهاز التحكم عن بعد- بجانبه طوال الوقت..!- كأس العالم أكبر فرصة للزوجة لكي تخرج للتسوق وقضاء الوقت مع الصديقات لأن الرجل سيتمنى طوال الوقت ان تقضي زوجته أكبر وقت ممكن خارج المنزل ليتابع المباريات.- أغلب الأزواج في كأس العالم لا تهتم كثيراً بنوعية الطعام المتواجد في البيت وربما يطلبوا وجبات سريعة بسبب عدم رغبتهم في الجلوس على مائدة والإنشغال بالطعام.. فرصة رائعة لراحة الزوجة من المطبخ..!- في بعض الأحيان قد يكون كأس العالم فرصة للزوجة لتواجد تلفاز جديد أضخم وأحدث في بيتها استعداداً للبطولة، وربما تطلب الزوجة بعضاً من الماكياج بحجة مضاهاة تقليعات الجماهير..!وأخيراً- كأس العالم فرصة للزوج لكي يخرج صراخه في اللاعبين بدلاً من أن يصرخ في زوجته..!

صور للاعبي الجزائر مسخره ..شاهد (حريم شحاته )

اترك تعليقك .. علي الصوره

لهذه الاسباب.... انا زملكاوي !!

السلام عليكم , مدبولي يعود من جديد بعد ألحاح جماهيري ومطلب شعبي بعودته مره اخري , عدت من جديد ولكن مفيش معايا اي جديد فالزمالك زي ما هو بيخسر وجماهيره حزينه والاهلي زي ما هو بيكسب وياخد الدوري وجماهيره تهيص , ولكن سئلني احد الاصدقاء الاهلويه السؤال اياه الغلس اللي مالوش اجابه .. انت ليه زملكاوي .؟؟؟؟ ومصر( اي مصمم ) علي كده ؟؟؟

والاجابه هي ..

1. ان الحكمه بتقولك (( يا بخت من بات مظلوم ولا بات ظالم ..ومن بات مغلوب ولا بات غالب )) ودي دعوه صريحه وواضحه لان تكون زملكاوي
2. اذا كان الاهلي هو فريق الشياطين الحمر فالزمالك هو فريق الملائكه البيضاء
   
3. الحمر لون فاقع يثير الاعصاب اما الابيض فهو لون الهدوء والاستجمام
   
4. لو انت اهلاوي فانت عارف ان اللي بيقف جانبك في الميكروباص اهلاوي والقهوجي اهلاوي وبتاع العجل اهلاوي والطبقه الشعبيه كلها اهلاويه اما انك تكون زملكاوي ويقابلك واحد زملكاوي فده بيكون حدث فريد من نوعه وبتكون فرحان اوي وبتتكلم معاه بثقه وبتبدا تضعف قدامه بعد لما كنت عامل فيها الديك امام الاهلويه وتبدأ تشكيله همك وقد ايه انت بتتعذب كل يوم
   
5. عندما يسئلك واحد عن انتمائك الكروي وانت خايف تقوله زملكاوي لتتبهدل وتشيل الهم وفي نفس الوقت مش قادر تنطقها بلسانك انك اهلاوي لانك مش طايق اسم انادي فتبدا تتلفت حوليك وتبدا تعرق من الاحراج وتقوله انا مش مهتم بالكوره
   
6. ان معظم الاهلويه اصبحوا كذلك بالوراثه اما الزملكاويه وهما القله اللي فاهمين كوره وبيقدروا يناقشوا ويعدلوا في افكار المدربين
   
7. ان الاهلي بيكسب دايما وجماهيره بدأت تزهق من البطولات والمكاسب انما لما تكون زملكاوي المكسب ده بيجي من الموسم للموسم كل شهرين تلاته مره فبيكون الفوز ليه فرحته برضه !!
8. الزمالك بيعالج مشكله اجتماعيه كبيره فالطبقه او الشريحه من المجتمع المصري التي تعيش حاله ماديه ضعيفه وتعاني من مشاكل الحياه لما بتشوف الزمالك او تشوف الزملكاويه بتفتكر (اللي يشوف بلوه غيره تهون عليه بلوته) ويرضي بما كتبه الله له ويقولك انا هفتري الحمد لله ..اما الناس الفقرا وكمان زملكاويه فدول ربنا يتولاهم بقه
   
9. ان مشاهير مصر زملكاويه احمد زويل , الدكتور زكريا عزمي , محمود محيي الدين , ابراهيم عيسي , عمر طاهر , بلال فضل, محمد منير , عمرو دياب , هاني شاكر , واخيرا... الحاج مدبولي
   

تحياتي لكم من قسم يوميات زملكاوي مدبولي دوت كوم......., شكرا

فضيحه مذيعه مودرن سبورت ...فيديو

شاهد حوار لمذيعه قناه مودرن سبورت الرياضيه المصريه , وحوار لها مع ميشيل دي كاستال المدير الفني السابق لنادي الزمالك واكتشف بنفسك مدي جهل المذيعه وخلط اللغه الفرنسيه والانجليزيه, مع ومحاولتها لاجبار دي كاستال علي فهم كلامها بالعافيه ,

شاهد واستمتع باللغه الجديده

لقاء مع ميدو من معسكر الزمالك في الامارات ..شاهد حصري

شاهد لقاء حصري مع كابتن احمد حسام ميدو لاعب نادي الزمالك من معسكر الفريق بالامارات

. هتلر يرد علي فيديو الزمالكاويه بفيديو اخر يتوعدهم فيه .شاهد فيديو

في سلسله الحملات الاعلانيه الكوميديه بين جماهير الزمالك والاهلي جماهير الاهلي ترد علي فيديو هتلر للزمالكاويه بفيديو اخر يظهر فيه هتلر في شخصيه حسن حمدي ويتوعد الزمالكاويه شاهد فيديو

برنامج الكوره مع ابو حفيظه ..حصري

برنامج الكوره مع ابو حفيظه الجديد ..سيد ابو حفيظه

حصريا حلقات يوميه متتابعه

قسم متجدد

فيديو نادر للاسطوره حازم امام ... هديه للزمالكاويه

فيديو لحازم امام وهو في ال8 من عمره
من داخل ملاعب نادي الزمالك
elkoraelyom.blogspot.com

مشجع زملكاوي يبكي بحراره بعد مباراه المقاولون ..فيديو

بعد انتهاء مباراه الزمالك والمقاولون في الدوري العام في الجوله الثالثه بالتعادل لهدفين لكل منهما في مباراه باهته كرويا وفنيا من جانب الزمالك وبعد دفع الملايين في فريق الاحلام الذي تنتظره جماهير الزمالك البائسه لدرجه ان الجماهير الزملكاويه تخيلت فوز الزمالك بالدوري والكأس وحزنوا كثيرا لعدم مشاركه الزمالك في دوري ابطال افريقيا علي اعتقاد منهم بان الزمالك سيفوز بها بالتأكيد وان الزمالك سيفوز علي كل من يقف امامه ولكن بعد الاداء الباهت امام بتروجيت والخساراه امامه واداء ابهت امام المقاولون فلم يتحمل هذا المشجع الضغط العصبي والنفسي عليه ولكن ..... شاهد الفيديو لتري ما وصل اليه حال جماهير الزمالك

خالد صالح زملكاوي في مسلسل تاجر السعاده ... فيديو

في مسلسل تاجر السعاده للنجم خالد صالح الذي يعرض حاليا في رمضان يقوم بدور مشجع زملكاوي وعضو في رابطه نادي الزمالك ويقوم بتشجيع فريقه من الاستاد في لقطه كوميديه ومرحه

لمشاهده المسلسل مباشره علي قناه الحياه من هنا

يوميات زملكاوي - حلقات طريفه للمرح

شاهد الفيديو

احمد حسام "ميدو" صاحب الكورة

فى يوم من الايام وبعد فوزه بانتخابات نادى الزمالك- وخصوصا على الجبار مرتضى منصور- طلع ممدوح عباس قصدى اونكل عباس وقال " يا جدعان يا رجالة انا عندى مفاجأة" كل الناس قعدت تتكلم عن مفاجأة عباس يا ترى عبس مخبى لنا ايه طلع لنا دوحة وقال انا جبت ميدو للزمالك , هلل الجدعان والرجالة وقعدت الناس تهتف دوحة دوحة ميدو ميدو ويوم ما جيه ميدو من المطار راح يجى خمس الاف او 6 الاف مشجع يستقبلوا النجم العالمى ميدو ويهللوا ويقولو ميدو ميدو وصا حبنا اتنفخ اوى واقتكر انه جاى هيفتح عكا وهو اللى هيشيل الزمالك من مصايبة- مايعرفش اللى فيها- المهم جيه عمو ميدو بضفايره بعد مالم شعره عند حلاق- قصدى كوافير- فى لندن قبل ما يجى اصل الكوافيرز فى مصى ييييا ,بعد وصولة بيوم نزل النجم ميدو التدريبات وراح مدرجات الزمالك اكتر من 10الاف مشجع _ يااااااه من زمان الواحد مسمعش الرقم ده فى مدرجات الزمالك- المهم نزل ميدو ابو ضفيره الملعب يدلع والناس تقول ميدو ميدو من يومها وهو افتكر انه خلاص كده بقى هو الكبير مش بس فى الزملك ده كمان فى الكورة كلها فى مصرخصوصا انه راجع من الدورى الانجليزى -طبعا بيطلع يقول الناس تحمد ربنا انى رجعت مصر بعد ما كنت بلعب فى اوروبا وف اقوى دورى ف العالم -المهم انا صاحبنا عمل كل حاجه هو عايزها ف الزمالك اخد فانلة النجم الحقيقى حازم امام رقم 14 واخد شارة الكابتن وكأنه صاحب الكورة فعلا ده غير الفلوس اللى هياخدها من الاونكل بتاعه , وجية وقت الجد الزمالك بيلعب مع بتروجيت والنتيجة 1/1 والزمالك مش عارف يعمل اى حاجة مع دفاع بتروجيت قعدت الجماهير تنادى ميدو ميدو وهو كان ساعتها فى البدلاء , نزل ميدو واول مانزل الحكم حسب ضربة جزاء للزمالك اتقدم ليها متخصص الحاجات دى ف الزمالك فتح الله بس طبعا ازاى فتح الله يلعبها وابو ضفيرة موجود ميصحش , اخد الكورة ودخل على منطقة الجزاء ودخل وكل جماهير الزمالك اعتبرت انه دخلها خلاص لدرجة ان واحد من الجماهير فى المدرجات بيتكلم ويقول يالا عايزين التالت فرد عليه واحد وقاله ياعم مش لما دى تدخل فرد عليه وقاله ياعم ده ميدو هيدخلها ياعم بس انت متفقرش ودخل النجم وحط الكورة فين بره التلات خشباااااااااااات , هاجت جماهير الزمالك وقعدت تشتم فى ميدو طلع ميدو وقال يا جماعة اى حد بيضيع عادى طلع ناس عاقلة وقالو فعلا عادى ده مارادونا ضيع يبقى ميدو ميضيعش قالوا خلاص يبقى منحكمش عليه دالوقتى نستنى الماتش الجاى , وجية الماتش الجاى وكان مع المقاولون وكالعادة الزمالك دخل فيه جولين من المقاولين والفرقة مزنوقة وعشان الجماهير طيبة وعشارية قعدت تنادى ميدو ميدو - يادى النيلة- نزل ميدو بعد ماغير قصة شعرة عن الماتش اللى فات وقعد يوجه فى زمايلة كأنه المدرب ويقول لده روح هنا وانت تعالى هناك وهو عشان يوقف كورة مفيش خالص زهقت جماهير الزمالك وفقدت الامل منه ومن الفرقة وقالوا الظاهر ان الاشاعة اللى بيقولوها على الزمالك من زمان طلعت صح ان فى حد عامل للزمالك عمل سفلى مربوط فى ورك نملة يتيمة -وربنا يحفظنا- لكوا ربنا يا جماهير الزمالك
الى اللقاء فى حلقة جديدة

جماهير الزمالك تطلق فيديو هتلر على الفيس بوك بعد انتقال ميدو للزمالك

اخبار كاذبة عن الزمالك

طبعا يا جماعة لان نادى الزمالك دايما غسيلة منشور والاعلام بيتربص بيه, فدايما بنلاقى الاعلام يطلع باخبار كتير عن الزمالك بعضها بيكون حقيقى ومعظمها بيكون فبركة , ولكن بعد المستوى الرائع اللى قدمة الزمالك فى بداية الدورى محدش فتح فى الحاجات دى حتى اشعار اخر _وهو طبعا اول سقوط للفريق_ هتسمع بقى حاجات عجب ودى مجموعة من الاخبار اللى ممكن نسمعها الفترة الللى جاية جمعتها بناء على احداث الفريق وتطلعات الاعلام


جريده شارع الجمهوريه
الاهلي يكتشف ثغره في عقد حازم امام الصغير وحازم يرحب بعرض الاهلي المغري
شيكابالا يطالب بتعديل عقده ويطلب مساواته بميدو وعمرو ذكي
الزمالك يغري عمرو ذكي بالمال من أجل البقاء بميت عقبه والاعب يرفض من اجل الاحتراف وتحقيق حلمه
خلاف حاد بين دي كاستال ومحمود سعد يتحول لمشاده كلاميه

جريده مسائي
أحمد مجدي يهاجم حسن شحاته والجهاز الفني للمنتخب
(قام أحمد مجدي لاعب نادي الزمالك بمهاجمه حسن شحاته واتهامه بمحاباه باقي الانديه علي حساب نادي الزمالك ومصلحه منتخب مصر ويقر اللاعب بانه تحت امر الكابتن حسن شحاته والمنتخب في اي وقت طبعا الواد مش هايلمس بعدها الكورة 20 سنه ضوئيه في النتخب ودا المطلوب)
مفاجأت بالجمله في اخر تقرير لدي كاستال
(جاء بالنص وعلي مسئوليه جريده ميدان الوفد ان ديكاستال غير مقتنع بابراهم ايو وجعفر واديكو وسيد مسعد وانهم دون المستوي المطلوب وان لجنه الكره هي من فرضت عليه هؤلاء اللاعبين )
ميدو يثير المشاكل داخل القلعه البيضاء ويطالب بالشاره
(قام أحمد حسام لاعب الزمالك المنضم حديثا والمعار من نادي بورتثموث بانه الاحق باشاره الكابتن نظرا لاحترافه 9 سنوات بالدوري الانجليزي وعبد الواحد يرفض الموضوع شكلا وموضوعا )

جريده ميدان الوفد

اتجاه لاعاره او بيع شيكابالا بعد اثارته المشاكل داخل القلعه البيضاء
عمرو ذكي لن ألعب في الزمالك في وجود ميدو
بعد العرض الرائع الذي قدمه شيكابالا في بدايه الموسم اللاعب يتلقي عروضا من عده انديه انجليزيه
(طبعا هو مفيش عروض ولا بتاع بس الحكايه كلها تشتتيت ذهن اللاعب )
بعد انفرادنا الاسبوع السابق ان الزمالك يبحث عن مهاجم سوبر
(في ظل عدم اقتناع دي كاستال بااحمد حسام ميدو وعمرو ذكي وسيد مسعد وأحمد جعفر واديكو وبوجي وسلامي تبحث لجنه الكره عن مهاجم سوبر بنائا علي طلب دي كاستال )
عبد المنصف يرفض سياسه الحارس الواحد ويطالب الرحيل

جريده قمتي
a7aيالعيبه الزمالك اداء متدني للاعبي الزمالك في مباراه انبي
(جاء اداء نادي الزمالك علي غير المتوقع فهزم انبي 3/1 غير ضربتين جزاء لم يحتسبو بهؤلاء اللعيبه العالميين ازاي ايه السبب نحن كاعلاميين يهمنا مصلحه نادي الزمالك في المقام الاول نطالب برحيل النجوم والاعتماد علي الناشئيين ونطالب باقاله الجهاز الفني من اجله عوده نادي الي سابق عهده )
لاعبي الزمالك يبحثون عن المشاكل بعكس لاعبي الاهلي
اخر احصائيه قام بها موقع (في الشبكه) العالمي ان اللاعب احمد حسام ضحي بالملايين من اجل ان يعود لنادي الزمالك و يثير المشاكل بميت عقبه
وان محمد عبد الشافي ضحي بالكثير من مستحقاتهبعد علمه ان اللاعبين يأخذون مكافات بالجمله من ممدوح عباس
وان امير عزمي وعبد الواحد وعبد المنصف مضو علي بياض ليجلسو ع الدكه لانهم غير مرغوب فيهم في اي نادي
اما لاعبي الاهلي احمد حسن دروجبا والعجيزي وحسين علي وغيرهم الكثيرين فضلو الملايين من اجل اللعب اساسيا
شوبير :ميدو دمر مستقبله بالعوده لنادي الزمالك وهذه هي الاسباب
(قال النائب والاعلامي احمد شوبير ان اللاعب احمد حسام ميدو قد دمر مستقبله الكروي بعد رجوعه للزمالك فكان افضل للاعب ان يلعب درجه ثانيه يمكن ربنا يكرمه بعقد درجه رابعه عن ان يرجع للزملك ويرجع للمنتخب ويلعب بكاس العالم 2010 ويحترف في انديه الدرجه اللاولي بعد ظهور بمستوي رائع في وجود عمرو زكي بجواره واما بالنسبه لرجوع احمد حسن واحمد فتحي وسيد ابوحفيظه فمن اجل النادي الاهلي لان النادي اللاهلي كان محتاجهم ايه المشكله يعني مفيش مشكله)

اخبار الكوره
الشيخ عمرو عادل يسب عمرو الصفتي في التمرين لانه لم يمرر له الكوره
حازم امام يلوح بورقه اللاهلي للضغط علي لجنه الكوره من اجل تجديد عقده
رغبه الجهاز الفني للنادي اللاهلي في حسن مصطفي قد تجعل اللاعب يدفع الشرط الجزائي من اجل العوده لناديه اللاصلي
صبري رحيل يطالب بالرحيل بعد شعوره بعدم رغبه الجهاز الفني في اللاعب
(اوضحت مصادر قريبه من اللاعب صبري رحيل المنتقل الموسم المنقضي من مصر المقاصه رغبته الرحيل عن صفوف نادي الزمالك بعد شعوره بعدم رغبه الجهاز الفني به بعد رضائهم عن مستوي محمد عبد الشافي المنضم حديثا من نادي غزل المحله)
في نفس الجريده
عبدالشافي يطلب الرحيل بعد علمه ان الجهاز الفني يريد اللاطاحه به في اقرب وقت

كوره اوف لاين
اللواء صبري سراج يتقدم باستقالته رسميا بعد تدخل الكابتن ابراهيم يوسف في اختصاصاته
سيد مسعد بعد شعورة برضاء جماهير الزمالك عن مستواه في ماتش انبي يريد تعديل عقده مثل ميدو
خناقه بين حازم امام وممدوح عباس بعد علم ممدوح عباس بنيه حازم امام المبيته للترشح للرئاسه في اللانتخابات القادمه

خاص: ممدوح عباس رئيسا شرعيا للزمالك.. ونجاح اغلب قائمته.ابرزهم النجم:حازم امام

بعد معركه انتخابيه شرسه وانتخابات ساخنه اديرت في اطار ديموقراطي ,فاز الاستاذ ممدوح عباس برئاسه نادي الزمالك لفتره رئاسيه تمتد لاربعه سنوات وكان ممدوح عباس قد فاز في الانتخابات في تفوق واضح علي المستشار/مرتضي منصور بفارق 1997 صوت حيت حصل عباس علي 10755 ومنصور علي8758 وحصل الكابتن حازم امام علي اعلي اصوات حصل عليها مرشح في تاريخ نادي الزمالك
وكان عباس قد اكد حرصه علي العمل جاهدا من اجل نادي الزمالك وانه لن يقوم بأي شئ ما الاقاويل بتصفيه الحسابات مع اعداؤه

شاهداعلان نتيجه الانتخابات رسميا قائمه مجلس الاداره الجديد
ممدوح عباس
حازم امام
احمد جلال ابراهيم
ابراهيم يوسف
صبري حسن
رؤوف جاسر

يوم غريب

السلام عليكم , معاكم الحاج مدبولي النهارده ومعلش تاخر عليكم اصلي كنت في المستشفي غيبوبه السكر الشهيره اللي بتجيلي بعد كل ماتش للزمالك , المره دي انا اتفرجت علي الماتش عااادي جدا وانا قاعد كده بابص لقيتلك لاعيبه الزمالك نازله ايه مرعوبه , وهاني سعيد راح الحمام 3 مرات , واحمد غانم سلطان بيعيط ايه يا ابني قالي يا اونكل مدبولي الاتحاد فريق جاامد اوي , قولتلو الاتحاد الاتحاد ده حبيبنا يا ابني اهده الاتحاد الاتحاد وكنت مذهول للعلم الاتحاد كل سنه بينافس علي الهبوط وبسال قالك جمال حمزه في البحر بيسأل البحر انه يكسب , وشيكابالا سافر دوله افريقيه من قرايبو ليتخلص من الهتاف الشهير (شي شي شيكابالا .................. وتعالا ) والنجم العالمي سعيد سكلانه بيعمل شعره عند محمد الصغير, مين اسماعيل سكلانه ده قالوا انه لاعيب جامد قوي حط 3 اجوان في (البنك الاهلي) البنك هه واخدين بالكو وابتدي الماتش ما الحمدلله بعد ما اتجمع لاعيبه الزمالك قبلها بنص ساعه كده ونزلوا الملعب ما شااااااااء الله ايه الروح العاليه دي والتزام وحاجه يعني مش ممكن والكابتن هاني سعيد بيزعق لفتح الله لان الكره طلعت منه اوت ودي حاجه منتهي الاستهتار , المهم علشان منتفأعش اكتر من كده علي الدقيقه 22 كده ببص ايه قالك الاعيبه خلاص ريحت وعايزين يبدلوا اصل الاعلام والجمهور والناس كلها ضدهم وانهم عرفو ان مانشيستر الانجليزي بيساعد نادي الاتحاد ضد لاعبي الزمالك الكبار ومفيش دقيقتين والجون جه , لمين لنادي الاتحاد الخطيير مع العلم ان الاتحاد في الماتش ده معملوش حاجه والجون دخل واتفرج علي الحماس اللي حصل بعدها ما شاء الله لاعيبه عاليه وخلص الماتش علي كده وانا روحت مشعارف مبسوط ولا زعلان الزمالك المركز ال13 واول مره يكون كده ,بس روحت وانا ماشي سمعت واحد بيقول ان مجلس الاداره هيدي مكافأت اجاده لاعيبه الابطال اللي صمدوا في معركه ابناء الاسكندريه , وان اللي دخل فيهم هو جون واحد وانهم بكده مستواهم بيتحسن بعد ماتش بني عبيد ومشيت لحد ما قابلت واحد بتاع عصير شربت عصير, وافتكرت وانا ماشي لما زمان لما جبت لمرات ابويا هديه في عيد الام زي ما ابويا قالي, وقالتلي والله لازم ادعيلك دعوه انت في مقام ابني برده , قولتيلها ماشبي قالتلي ( روح يا ابني يارب تطلع زملكاوي وفرحت بالدعوه بس بعد 35 سنه عرفت ان انها اسود دعوه حصلتلي ................ وسلامو عليكو (مدبولي دوتكوم)

الحاج مدبولي

سلامو عليكو احب اقدم نفسي في الاول انا الحاج مدبولي من مواليد منطقه ميت عقبه 1930 ,يعني انا دلوقتي في السابعينات من عمري وشهرتي مدبولي (اوطه)وسموني كده بسبب حاله الجنان الس باوصلها لما اشجع الزمالك ,واتمرن جنب الاعيبه كأني ابن عشرين سنه , اه احب اعرفك حكايه نادي الزمالك وزمالكاوي دي جت ازاي, بص يا سيدي زماااان وانا عندي كده 5 سنين ابويا كان اهلاوي متعصب وكان مبيفوتش ماتش للاهلي كل ماتش يحوش حق التذكره ويطلع علي الاستاد ميرجعش غير نص الليل ,المهم كان طبعا عمال يقول الاهلي الاهلي وواجع دماغنا وانا كنت ماشي كده معاه ما انا كنت صغير ومش عارف حاجه,بس اكتشفت اني لما كبرت اتهبلت واني كنت صح وانا صغير , ما علينا مش هو ده الي خلاني زملكاوي اللي خلاني زمالكاوي ,اني لما كبرت شويه 16 سنه كده كنت شايف نفسي قوي وكنت واد عضلات وكان عندنا في الحاره واحد اسمو الحاج سعيد شيخ جماهير الزمالك كان بيقعد مع اللاعيبه وييبلهم الاكل من ابو ظريفه بتاع الفول اللي علي بوابه النادي ,المهم الحاج سعيد ده في يوم ماتش اهلي وزمالك الجماهير بتاعت الاهلي اتخانقت معاه وشويت شباب من الحاره قالوا لازم ناخد بطار عم سعيد ولازم نرجع له حقه استنينا العيال دول في ماتشهم مع الترسانه وروحنالهم بقي كنا احنا 20 واحد وماشين وفرحنيين بنفسنا. وقلنا دا احنا هنقطعهم رحنا لقينا حوالي 250 واحد مستنيينا وزي ما بيقولو مدججين بالسلاح مطاوي علي سنج علي كله, واناكنت عامل فيها شجيعوالواد اللي مفيش منو, المهم واحد من اللي كانو معايا قال (الله اكبر) ودخل اكننا في غزوه ودخلناوراه جري , ودب دب دب انا فوقت علي كف حكومه ولقيت نفسي واقف في القسم ابص لت جسمي كله يطلع دم والظابط واقف وبيشتم فينا وعمال يلطش فينا ,المهم قولت لصول واقف جنبي هو في ايه ؟ .قالي انت مش عارف انت عملت ايه قولتلو ايه قالي انت تعديت علي مواطنين في الشارع عارف عقوبتها اد ايه قولتلو وهو ده شكل حد اعتدي بس دهانا اتفرمت بس فهمت ان الصول ان الظابط اهلاوي وان في شخصيه مهمه اتصلت بيه علشان العيال الاهلاويه وانو ناوي يسودها علينا بس اتقفل المحضر علي كده بعد ما اتعرضنا علي النيابه واسمع قرار النيابه يا عم الافراج عن 249 مشجع اهلاوي والافراج عن مشجع زمالكاوي .والباقي حبس يومين علي ذمه التحقيق .وبعدها لعنت الزمالك والاهلي وعم سعيد والي جاب عم سعيد والكره وبس بدات اشجع الزمالك عند في الدنيا كلها واكتشفت بعدها ان الزمالك ده مدرسه .............ونكمل الحلقه اللي جايه ان شاء الله تحياتي (مدبولي دوتكوم)