الأهلي والأسماعيلي ... القمه الحقيقيه

نحن الان علي اعقاب قمه حقيقيه في الدوري المصري فالاهلي بكل امكانياته واستعاده عافيته وهيبته هيقابل الاسماعيلي دراويش مصر وبرازيل العرب ولعل كل الناس مش بش انا بنقول ان الماتش ده هيكون بجد ماتش القمه الحقيقي بصرف النظر عن ((الماتش اللي بعده بأسبوع)) واللي كلنا عارفين نتيجته من دلوقتي .ماتش الاهلي والاسماعيلي بيكون ماتش جامد فيه كل حاجه في الكوره .الواحد بيحس انه بيتفرج علي كوره فالاهلي بكبريائه وقوته وقوه لاعبيه وخبرتهم امام اولاد الاسماعيليه المهاره والقوه والذكاء .الاسماعيلي فريق جامد اوي بس مشكلته انه مش بيعرف يجيب بطولات يعني طول عمره بيطلع ناشئيين جامديين بس مش بيعرف يستفييد منهم وبيهربوا علي الانديه الكبيره اهلي وزمالك والاهلي بالذات .
حته الناشئيين والاستفاده منهم كانت موجوده عند الزمالك بس الكلام ده زمان بقي مش زمالك دلوقتي .المهم ان الاسماعيلي داخل الماتش ده بعد فوزه علي اتحاد العاصمه ومعنوياته مرتفعه شويه وعايز يعوض الخروج المفاجئ من الكاس والفوز علي لاهلي هو اللي هيرضي جماهيره ويخلي الناس كلها تبطل تهاجم الفريق .اما الاهلي فداخل الماتش وهعايز يصفي حساباته مع كل اللي خانوه وهو في اليابان ورفعوا علم المكسيك بعد ما باتشوكا فاز علي الاهلي . ده حتي من يومين في تصريح لابو تريكه قال في رده علي سؤال المذيع اللي ساله ه :ايه تعليقك علي اللي شجعوا باتشوكا وشمتوا في الاهلي وهو في اليابان
فرد ابو تريكه وقال : (والقافله تسير ) دون ان يكمل المثل في تصريح اعتبره الاسماعلويه اهانه ليهم وان الرد علي ابو تريكه سيكون في الاسماعيليه .ومن المتوقع ان تزحف جماهير الاهلي الي الاسماعيليه في الماتش ده علشان يشجعوا فريقهم. فانا باتوقع انو يكون فيه ماتش تاني بس ده بين جماهير الناديين المهم يكون ماتش حلو ونستمتع كلنا مش مهم مين اللي هيكسب الماتش .بس المهم مين هيكسب احترام الجماهير