أولا لابد ان أوكد ان الزمالك فريق عريق وضلع اساسي في الرياضه المصريه ومن غيره ..... اقرأ المزيد
لا يوجد رياضه في مصر ولكن .. ما هذا الذي يحدث فان الزمالك يخسر من اي نادي في الدوري مش مشكله .. يطلع من كل البطولات مش مهم هنستحمل يتغلب من الاهلي غريمه في الرايحه والجايه برده بنقول لكل جواد كبوه ومن هزائم الي هزائم من هزائم فرق البترول الي انديه الجيش ده حتي انديه السودان علمت عليه والكروم يغلبه بثلاثه اهداف ومجالس تروح ومجالس تيجي ولاعيبه تتمرد ولاعيبه تتخانق علي شاره الكابتن ولاعيبه عايزه 2 مليون جنيه في الموسم مش عارف علي ايه . يا راجل وصلت البجاحه لدرجه انهم ميحضروش تدريبات وعاملين النادي عزبه .المهم كل اللي احنا قولناه ده الجماهير البيضاء العظيمه والله عظيمه مش عارف الجماهير دي عملت ايه في حياتها علشان يحصل ده كله مستحملاه وصابره ومحتسبه( الزماك عند الله شهيدا) لهؤلاء الاعيبه اللذي يعجز لساني عن وصفهم لاعيبه اصلا .... ما حدث في المنصوره لا يمكن السكوت عليه او التغاضي عنه او نقول ماتش وليه ظروفه واهو عدي خلاص لأ..اللي حصل النهارده ده مش ممكن يحصل لنادي المفروض انه من انديه القمه .ولكن قمه ايه بس اللي الاعيبه بتفكر فيها خلاص الزمالك وصل للقمه (وقعد فوقها) . المهم لو مسكنا الزمالك بدنيا والله الاعيبه ما اتحركت من مكانها الاعيبه مجريتش بعشره جنيه مش عارف ايه البطئ ده مفيش عريضه كويسه ولا حتي اوفر عدل ولا رفعه مظبوطه والمهاجمين مكسلين يجروا علي الكوره باستثناء شيكابالا . كل لاعب واقف مكانه وقرفان قل يعني نجم بقي هيلعب ويوسخ هدومه ازاي . ده غير اللعب الخططي بصراحه الخطه كانت زي الفل الترزي اللي عاملها شاطر والله ....ااااااه.. يالا. بدون الدخول في تفاصيل .الزمالك بصراحه انهار خلاص وعلي الزماكويه اللي فاضلين في البلد دي يشجعوا اي فريق تاني في النادي يشوفوا بقي يشجعوا فريق كره الماء بالنادي .بالمناسبه اقترح علي الاعب( احمد غانم سلطان) ان يغير نشاطه الكروي ويلعب كره ماء والله هيبقي كويس بس هو يشد حيله . اكتشفت لنه بيلعب بنظريه (كلب البحر) اللي هيا : زوق الكره والهث وراها
